08.02.2025
Кәсіпқой бокс: Ангелина Лукастың кезекті қарсыласы белгілі
Қанат Байұзақов
Қазақстандық боксшы Ангелина Лукас (12-1, 5 КО) келесі қарсыласының есімін және алдағы жекпе-жектің күнін білді.
Лукастың қарсыласы венесуэлалық Хоана Суньига (18-8-1, 11 КО) атанады. Кездесу 8 ақпанда Түркияның Стамбұл қаласында өтетін бокс кешінің аясында ұйымдастырылады. Жекпе-жек екі минуттан сегіз раундқа есептелген.
Еске сала кетсек, соңғы жекпе-жегінде қазақстандық спортшы нигериялық Айисат Орийомиді (9-1, 6 КО) үшінші раундта мерзімінен бұрын жеңген болатын.
