Ақмарал Ерекешева көркем гимнастикадан екінші мәрте жасөспірімдер арасындағы әлем чемпионы атанды

Ақмарал Ерекешева Болгария астанасы София қаласында өтіп жатқан көркем гимнастикадан жасөспірімдер арасындағы әлем чемпионатында екінші мәрте алтын медаль алды, деп хабарлайды

Әлем чемпионатында жекелей жаттығудағы финалдық кезеңі өз мәресіне жетті.

Қазақстандық гимнастшы Ақмарал Ерекешева турнирдің іріктеу кезеңінде үш сайыс түрінен финалға жолдама алған еді. Олардың барлығында жүлдегер қатарынан көрінді. Ақмарал доппен және лентамен жаттығуда алтын медаль алса, шеңбермен жаттығуда күміс жүлдеге ие болды.

Сондай-ақ, ел құрамасынан Айғаным Рысбек булавамен жаттығуда бесінші орын алды.

Айта кетейік, Ақмарал Ерекешева ел құрамасынан көркем гимнастикадан жасөспірімдер арасындағы әлем чемпионатында жеңіске жеткен санаулы спортшының бірі.