«Ордабасы» үш футболшымен келісім-шарт жасасты

Қазақстандық Мағжан Тоқтыбай, Aли Тұрғанов, Біржан Тоқтыбай «Ордабасы» клубымен келісімге келді, деп хабарлайды Sport12.kz

Қазіргі уақытта Шымкент футболының түлектері «Оңтүстік» ФКА намысын қорғайды. Бірінші лига аясында осы маусымда Али 9 ойын өткізіп, бір нәтижелі пас берді. Мағжан 10 ойында гол+нәтижелі пас көрсеткіш бойынша 10 ұпай жинады (6+4). Дәл сол 10 ойында Біржан 6 гол соғып, 1 нәтижелі пас берген. Сонымен қатар, Али Тұрғанов және Мағжан Тоқтыбай Қазақстан U21 жастар құрамасына шақыртылып, Еуропалық аренада ел намысын қорғайды. Осы маусымның соңына дейін жігіттер «Оңтүстік» ФКА қалып, тәжірибе жинақтауды жалғастырады. Ал келесі маусымнан бастап «Ордабасы» футбол клубына қосылады.