Виталий Жуковский «Атырауға» қайта оралды

Беларусьтік 41 жастағы маман Виталий Жуковский «Атырау» командасы бас бапкері болып тағайындалды, деп хабарлайды Sport12.kz.

Виталий Леонидович 2022-2024 жылдар аралығында “Атырау” бас жаттықтырушысы болды. Команданы Қазақстан Кубогінің финалына шығарды. Чемпионат аясында соңғы жылдардағы үздік нәтижені (7-орын) көрсеткен еді.

В. Жуковский 1984 жылы дүниеге келген. Еңбек жолын 2010 жылы беларустік «Ислочь» командасының бас бапкері болып бастады.

2015 жылы аталған ұжым Белорус бірінші лигасының жеңімпазы болды. 2020 жылы сол елдегі БАТЭ клубының тізгінін ұстап, чемпионаттың күміс медалі мен кубок иегері атанды.

2022 жылдан қазақстандық «Атырау» клубының тізгінін ұстап, былтыр команда Қазақстан кубогының финалына жетті. Ел біріншілігінде жетінші орынға тұрақтады.

Сондай-ақ бұған дейін біздің командада екі жарым жыл қызмет еткен оның серіктестері Павел Плют пен Андрей Мисюк те “мұнайшылар” сапына қайтып келді.

Павел Плют бас бапкердің көмекшісі болса, Андрей Мисюк физикалық дайындық жаттықтырушысы болып тағайындалды.