7 сағат бұрын
Заза Цицкишвили «Атырау» сапынан кететін болды
Фото: «Атырау» футбол клубы
Грузиялық жартылай қорғаушы Заза Цицкишвили «Атырау» сапынан кететін болды, деп хабарлайды Sport12.kz.
Бұл жөнінде команданың баспасөз қызметі мәлім етті. Келісім екі жақты ұйғарым бойынша қабылданды.
Айта кетсек, бұдан бұрын «Атырау» футбол клубының бас директоры Дидар Сыдықбек командадан қазақстандық сегіз ойыншының кеткенін хабарлады. Олардың қатарында Набиханов Амандык, Атыханов Равиль, Оралбай Едіге, Абзал Шоқан, Сапанов Мейрам, Зульфикаров Бағдаулет, Ерниязов Санжар, Чирков Роман бар.
«Атырау» командасы биыл сәтсіз ойнап келеді. Қазір турнир кестесінде соңғы орында тұр. Олар он бес ойыннан кейін небәрі төрт ұпай жинады.
