08.07.2025
Чемпиондар лигасы: Алматылық «Қайрат» «Олимпияның» осал тұсын таба ала ма
Фото: «Қайрат» футбол клубы
Алматылық «Қайрат» футбол командасының UEFA Чемпиондар лигасы бірінші іріктеу кезеңінде бүгін, 8 шілдеде Словенияның «Олимпия» командасымен кездеседі, деп хабарлайды Sport12.kz.
Бұл ойын бүгін, 8 шілдеде Словенияда өткізілсе, қарымта кездесу Алматыда 15 шілдеге белгіленген.
Кездесу қазақстандық уақытпен 22:00-де басталып, «Qazsport» телеарнасынан тікелей эфирде көрсетіледі.
Алматылық клуб еурокубок ойындарына тұрақты түрде қатысып келеді. Дегенмен соңғы екі жылда бақ сынаған жоқ. 2022/23 жылғы маусымда Конференция лигасы екінші іріктеу кезеңінде Венгрияның «Кишварда» (0:1, 0:1) командасынан екі мәрте жеңіліп қалды.
«Олимпия» командасы 1945 жылы құрылған. Қазірге дейін өз елінде сегіз мәрте чемпион атанды. Еурокубок ойындарына алғаш рет 1966 жылы қатысты. Соңғы рет 2020/2021 жылғы маусымда еуропа лигасы екінші іріктеу кезеңіне дейін жетті.
Сондай-ақ биыл қазақстандық «Ақтөбе» Еуропа лигасы, «Ордабасы» және «Астана» Конференция лигасында ел намысын қорғайды.
Біздің серіктес: Olimpbet қосымшасын пайдалан
