Қазақстан және Өзбекстан футбол құрамалары жолдастық кездесу өткізеді

Қазақстан футбол федерациясы мен Өзбекстан футбол қауымдастығы екі елдің жасөспірімдер мен жастар құрамалары арасында бірқатар жолдастық ойындар өткізу туралы уағдаластыққа қол жеткізді, деп хабарлайды Sport12.kz.

Ташкентте Қазақстан мен Өзбекстанның 21 жасқа дейінгі жастар құрамалары арасында екі матч болады. Ал Алматыда 15 жасқа дейінгі жасөспірімдер құрамасының екі жолдастық кездесуі өткізіледі.

Екі елдің футбол басшылығы арасында көпжылдық және жемісті ынтымақтастық қалыптасты. Ол серіктестік пен өзара сыйластық қағидатына негізделген. Қазірге дейін ұлттық, жасөспірімдер мен әйелдер құрамалары өзара жолдастық кездесу өткізіп келеді.

 Айта кетсек, бұған дейін Шымкентте 16 жасқа дейінгі жасөспірімдер құрамалары шеберлік байқасса, 19 жасқа дейінгі жасөспірімдер қыздар құрамалары арасында екі (0:1, 1:1) ойын болды.

- Оған қоса Қазақстан мен Өзбекстан ұлттық құрамалары арасында жолдастық ойын өткізу туралы келіссөз жүргізілуде. Бұл ретте қараша айына арналған жоспар бекітілді. Ұлттық құраманың 2026 жылғы Әлем чемпионатында өз алаңындағы Бельгиямен ойыннан кейін отандастарымыз Хорватияда Фарер аралдарымен қарсы жолдастық матч өткізеді, - деп жазылған федерация хабарламасында.

Біздің серіктес: Sport12kz