Қазақстан құрамасы Солтүстік Македониямен тең ойнады

Футболдан 2026 жылғы әлем чемпионаты іріктеу кезеңінде Қазақстан құрамасы кезекті ойынын Солтүстік Македонияға қарсы өткізді, деп хабарлайды Sport12.kz.

Екі құрама алғашқы минуттан белсенді қимыл көрсетті. Гол соғатын мүмкіндіктер де болды. Дегенмен олар діттеген мақсатына жете алған жоқ. Бірінші кезеңде есеп ашылған жоқ. 

Екінші кезеңде македониялық футболшылардың белсенділігі байқалды. Оған қазақстандық қорғаушылар лайықты тойтарыс бере білді. Есесіне қарсы шабуылға шығып, гол соғатын мүмкіндікті іздеді. Ойынның 54-минутында Дінмұхамед Қараман өз құрамасын алға шығарды. Ал македониялық Энис Барди 74-минутта таразы басын теңестірді. 

Осылайша құрамалар 1:1 есебіне қанағат білдірді.

Отандастарымыз қазірге дейін Бельгия (0:6), Солтүстік Македония (0:1) және екі мәрте Уэльс (1:3, 0:1) құрамасынан жеңіліп, Лихтенштейннен екі мәрте (2:0, 4:0) басым түсті.

Біздің серіктес: Olimpbet қосымшасын пайдалан