«Челси» өз алаңында «Ситиді» қабылдайды

12 сәуір күні Англия Премьер-лигасының 32-туры аясында лондондық «Челси» өз алаңында «Манчестер Ситиді» қабылдайды.

Кездесудің тікелей трансляциясы Қазақстан уақытымен 20:30-да басталады.

Қазіргі таңда «Манчестер Сити» 30 матчтан кейін 61 ұпай жинаса, «Челси» 31 ойыннан соң 48 ұпай еншілеген.

Соңғы турда «Челси» сырт алаңда «Эвертоннан» 0:3 есебімен жеңіліп, барлық турнирдегі қатарынан төртінші жеңілісіне ұшыраған еді. Алайда кейін команда Англия Кубогында «Порт Вейлді» 7:0 есебімен ойсырата жеңіп, өз жанкүйерлерінің алдында еңсесін тіктеді.

Ал «Манчестер Сити» соңғы матчында Премьер-лигада «Вест Хэммен» 1:1 есебімен тең ойнады. Бұдан кейін команда өзге турнирлерде «Реалдан» Чемпиондар лигасында жеңіліп (1:2), Англия Лига кубогының финалында «Арсеналды» ұтты (2:0) және Англия Кубогында «Ливерпульді» ірі есеппен жеңді (4:0).

Біздің серіктес: Olimpbet қосымшасын пайдалан