«Барселона» бразилиялық жас жұлдызды қатарға қоспақ

Каталониялық «Барселона» «Палмейрас» клубының жас шабуылшысы Эдуардо Консейсауды сатып алу бойынша келіссөздерді жеделдетуді жоспарлап отыр.

Испаниялық дереккөздердің мәліметінше, клуб 16 жастағы футболшымен келісім жасауға жақын. Ойыншының келісімшартында 100 миллион еуро көлемінде өтемақы белгіленгенімен, «Палмейрас» оны шамамен 50 миллион еуроға сатуға дайын.

Эдуардо Консейсау сол қаптал шабуылшысы позициясында ойнайды, бойы — 180 сантиметр. Ол Бразилияның 17 жасқа дейінгі құрамасында өнер көрсетіп жүр және өз буынының ең талантты ойыншыларының бірі саналады.

Жас футболшыға «Барселонадан» бөлек «Манчестер Сити», «Челси» және «Пари Сен-Жермен» клубтары да қызығушылық танытып отыр.

Біздің серіктес: Olimpbet қосымшасын пайдалан