«Ливерпуль» тоғыз ойыншымен қоштасуы мүмкін

Англия Премьер-лигасының «Ливерпуль» клубы 2026 жылғы жазғы трансферлік терезеде негізгі құрамнан тоғыз футболшымен қоштасуды жоспарлап отыр.

Маусым соңында шотландиялық қорғаушы Эндрю Робертсон мен мысырлық вингер Мохамед Салах клубтан кетеді деп күтілуде. Сонымен қатар, маусым айында қорғаушылар Рис Уильямс пен Кэлвин Рэмсидің келісімшарттары аяқталады.

Клубтан кетуі мүмкін ойыншылар қатарында Джозеф Гомес, жартылай қорғаушылар Кёртис Джонс, Харви Эллиотт, Алексис Макаллистер, сондай-ақ шабуылшы Федерико Кьеза бар.

Қазіргі маусымда «Ливерпуль» 32 турдан кейін 52 ұпай жинап, Премьер-лигада 5-орында тұр. 33-турда команда 19 сәуірде сырт алаңда «Эвертонға» қарсы ойнайды.

Біздің серіктес: Olimpbet қосымшасын пайдалан