5 күн бұрын
Лионель Мессидің клубына Хави бас бапкер ретінде келуі мүмкін
Қанат Байұзақов
Интер Майами клубы жаңа бас бапкер таңдауда, деп хабарлайды Sport12.kz
Қазіргі таңда Хави Эрнандес пен Марсело Гальярдо кандидатуралары қарастырылып жатыр. Жуырда MLS клубының бас бапкері қызметінен Хавьер Маскерано кеткен еді.
46 жастағы испаниялық Хави Эрнандес — Барселона клубының бұрынғы бас бапкері әрі экс-ойыншысы. Ол ұзақ уақыт бойы «Интер Майамидің» көшбасшысы Лионель Мессимен бірге ойнаған. Оның жетекшілігімен «Барселона» 2022/23 маусымында Ла Лиганы және 2023 жылы Испания Суперкубогын жеңіп алды.
50 жастағы аргентиналық Марсело Гальярдо — Ривер Плейт клубының бұрынғы бас бапкері. Оның басқаруымен команда 2015 және 2018 жылдары Либертадореc Кубогын жеңіп алған.
Біздің серіктес: Olimpbet қосымшасын пайдалан
