10 сағат бұрын
ҚПЛ: «Қайрат» турнир кестесінде бірінші орынға көтерілді
Фото: «Ақтөбе» футбол клубы
Алматылық «Қайрат» футболдан Қазақстан Премьер-лигасы алтыншы турында Ақтаудың «Каспийінен» басым түсті, деп хабарлайды Sport12.kz.
Кездесу барысында алматылық команда қарсылас қақпасына жылдам гол соғу мүмкіндігін іздеді. Дегенмен бірінші кезеңде командалар бір-бірінің қақпасынан саңылау таба алған жоқ.
Екінші кезеңде «Қайрат» сапынан Дастан Сәтпаевтың берген пасын Эдмилсон 55-минутта голға айналдырса, 85-минутта Жоржиньо қорытынды есепті белгіледі.
Осылайша «Қайрат» қарсыласынан 2:0 есебімен басым түсті.
Бұл жеңістен кейін алматылық клуб турнир кестесінде 14 ұпаймен бірінші орынға көтерілді.
Айта кетсек, бұдан бұрын «Елімай» (Семей) - «Астана» 2:2 есебіне қанағат білдірсе, павлодарлық «Ертіс» өз алаңында Талдықорғанның «Жетісуына» 1:2 есебімен есе жіберді.
Бірінші кезеңнен «Ордабасы» (Шымкент) - «Оқжетпес» (Көкшетау) 0:0 есебімен тең түсіп жатыр.
Екінші ойын күні, 19 сәуірде 15:00-де «Ұлытау» (Жезқазған) - «Тобыл» (Қостанай), 16:00-де «Атырау» - «Қызылжар» (Петропавл), 17:00-де «Жеңіс» (Астана) - «Ақтөбе»,19:00-де «Қайсар» (Қызылорда) - «Алтай» (Өскемен) шеберлік байқасады.
Біздің серіктес: Olimpbet қосымшасын пайдалан
