«Ақтөбе» бразилиялық футболшыны уақытында тіркей алмады

Бразилиялық жартылай қорғаушы Жоау Гауденсио «Ақтөбе» сапында жазға дейін ойнай алмайды.

Ақпаратқа сәйкес, ойыншыны 3 сәуірге дейін тіркеу мерзімі өтіп кеткен. Келісімшарт пен жалға алу құжаттары дұрыс рәсімделгенімен, футболшыны уақытында өтінім енгізу мүмкін болмаған.

Клуб оны тіркеуге тырысқанымен, лига тарапынан шешім өзгермеді. Осылайша Гауденсио тек жазғы трансфер терезесінен кейін ғана команда сапында өнер көрсете алады.

Айта кетейік, 23 жастағы футболшы «Ақтөбе» клубына осы айдың ортасында қосылған болатын. Ол бұған дейін Бразилия мен Жапония чемпионаттарында ойнаған.

Біздің серіктес: Olimpbet қосымшасын пайдалан