«Атырау» директоры «Ақтөбеге» ауысуы мүмкін

Журналист әрі инсайдер Эльдар Аманбаевтың мәліметінше, «Атырау» клубының спорттық директоры Игорь Прохницкий жақын уақытта қызметінен кетуі мүмкін.

Маман бұл лауазымға жыл басында тағайындалған болатын. Енді оның мансабы «Ақтөбе» клубы жүйесінде жалғасуы мүмкін екені айтылуда.

Дереккөздің хабарлауынша, Прохницкий «Ақтөбеге» туған клубы ретінде қайта оралып, жаңа қызметке орналасуы мүмкін.

Айта кетейік, Қазақстан Премьер-лигасының қазіргі маусымында «Атырау» 6 турдан кейін 7 ұпаймен 9-орында тұр. Дәл осындай ұпай жинаған «Ақтөбе» де турнир кестесінде жақын орналасқан.

Біздің серіктес: Olimpbet қосымшасын пайдалан