ҚФФ: Премьер-лига командаларына айыппұл мен ескертулер берілді

Қазақстан футбол федерациясының Бақылау, тәртіптік және этикалық комитетінің отырысы 2026 жылғы 22 сәуірде өтті. Жиында Премьер-лига матчтарындағы бірқатар тәртіп бұзушылықтар қаралды.

«Қайсар» – «Алтай»

«Алтай» клубы матч барысында бес ойыншысының ескерту алуына байланысты 100 МРП көлемінде айыппұл төлеуге міндеттелді. Сонымен қатар «Қайсар» жанкүйерлерінің тәртіп бұзуы және матчтың кеш басталуы үшін 60 МРП айыппұл салынды.

«Елімай» – «Астана»

Матчтың 2 минутқа кеш басталуына байланысты «Елімай» клубына ескерту берілді.

«Ордабасы» – «Атырау»

Төрешілер бригадасының көлік кіргізу талаптарының сақталмауына байланысты «Ордабасы» клубы да ескерту алды.

«Ертіс» – «Жетісу»

Матчтағы қауіпсіздік талаптарының бұзылуы мен техникалық кемшіліктер үшін «Ертіс» клубына 60 МРП айыппұл салынды.

«Атырау» – «Қызылжар»

«Қызылжар» бапкерінің көмекшісі Иван Евич төрешіге қарсы әдепсіз сөздер айтқаны үшін 4 матчқа дисквалификацияланды.

«Ұлытау» – «Тобыл»

Қауіпсіздік және ұйымдастыру талаптарының бұзылуына байланысты «Ұлытау» клубы 60 МРП айыппұл төлеуге міндеттелді.

ҚФФ тәртіптік комитеті барлық клубтарға ереже талаптарын қатаң сақтауды ескертті.

Біздің серіктес: Olimpbet қосымшасын пайдалан