Жаңа арена Қазақстан құрамасының дайындық орталығына айналады

Көкшетау қаласында салынып жатқан жаңа футбол стадионы болашақта Қазақстан жастар құрамасының жаттығу базасына айналады.

Жоба жетекшісі Құдрат Шамиевтің айтуынша, бұл нысан еліміздегі ерекше ареналардың бірі болмақ. Атап айтқанда, стадион жабық форматта салынады және өңірдегі ең ірі спорт нысандарының қатарына кіреді.

— Бұл — ерекше стадион. Қазақстандағы көп ареналар ашық болса, бұл нысан жабық болады. Сонымен қатар, мұнда Қазақстанның жастар құрамасы базасын орналастырады, — деді Шамиев.

Жаңа стадионның іргетасын қалау рәсімі жақында өтті. Арена 10 мың көрерменге есептелген және УЕФА-ның төртінші санат талаптарына толық сәйкес болады.

Жоспар бойынша, Көкшетаудың «Оқжетпес» клубы 2028 жылғы маусымнан бастап өз алаңындағы матчтарын осы стадионда өткізеді.

Біздің серіктес: Olimpbet қосымшасын пайдалан