«Реал Мадрид» маусымды трофейсіз аяқтады

Мадридтік «Реал» 2025/26 жылғы маусымды бірде-бір жүлдесіз аяқтады. Ла Лиганың 35-турында Реал Мадрид өз алаңында «Барселонадан» 0:2 есебімен жеңіліп, каталондық клуб мерзімінен бұрын Испания чемпионы атанды.

Альваро Арбелоа жаттықтыратын команда Испания кубогында да ерте сүрінді. «Реал» 1/8 финалда «Альбасетеге» 2:3 есебімен жол берді.

Ал ел Суперкубогының финалында мадридтік клуб тағы да «Барселонаға» есе жіберді — 2:3.

Чемпиондар лигасында «Корольдік клуб» ширек финалға дейін жеткенімен, германиялық «Бавариядан» екі матч қорытындысы бойынша 4:6 есебімен жеңілді.

Қазіргі таңда «Реал» Ла Лига кестесінде 77 ұпаймен екінші орында келеді. Команда келесі турда «Реал Овьедомен» кездеседі. Матч 14 мамыр күні Астана уақытымен 00:30-да өтеді.

Айта кетейік, мадридтік клуб соңғы рет Испания чемпионатын 2024 жылы жеңіп алған еді.

Біздің серіктес: Olimpbet қосымшасын пайдалан