Хоккейден әлем чемпионатында Аустрия Ұлыбританияның осал тұсын тапты

Бүгін шайбалы хоккейден элиталық дивизионда 2026 жылғы әлем чемпионаты екінші ойын күнінде екі ойынның нәтижесі белгілі болды.

Бұл жөнінде Sport12.kz мәлім етті.

А тобында сынға түсіп жатқан Аустрия әлем чемпионатындағы алғашқы жеңісіне қол жеткізді. Олар Ұлыбританияны 5:2 есебімен тізе бүктірді.

Ал В тобында Словакия Норвегияның осал тұсын тапты. Словакиялық хоккейшілер қарсыласынан 2:1есебімен жеңді.

А тобында АҚШ, Швейцария, Финляндия, Аустрия, Латвия, Германия, Ұлыбритания, Венгрия шеберлік байқасса, В тобында Канада, Швеция, Италия, Дания, Чехия, Словакия, Норвегия және Словения мұзайдынға шығады.

Алдағы ойындар кестесі

16 мамыр

19:20. Венгрия - Финляндия

19:20. Италия - Канада

23:20. Словения - Чехия

23:20. Швейцария - Латвия.

Қазірге дейін Канада - 28 Ресей (КСРО) - 27, Чехия (Чехословакия)- 13, Швеция - 11, Финляндия - 4, АҚШ - 2, Ұлыбритания мен Словакия -1 мәрте чемпиондық тұғырға көтерілді.

Айта кетсек, биыл Польшаның Сосновец қаласында өтіп жатқан I дивизионның әлем чемпионатында Қазақстанның ерлер құрамасы Украинаны жеңіп, мерзімінен бұрын элиталық дивизионға жолдама алды.

Біздің серіктес: Olimpbet қосымшасын пайдалан