14 сағат бұрын
Роберт Левандовски болашағы жайлы жазба жариялады
Қанат Байұзақов
«Барселона футбол клубы» шабуылшысы Роберт Левандовски осы маусым аяқталған соң клубтан кететінін жариялады, деп хабарлайды Sport12.kz
37 жастағы поляк бұл туралы әлеуметтік желіде жазды.
«Төрт жыл бойы қиындықтар мен тынымсыз еңбектен кейін алға жылжитын уақыт келді.
Мен миссиям орындалды деген сезіммен кетіп барамын: 4 маусым, 3 чемпиондық. Жанкүйерлердің алғашқы күннен-ақ көрсеткен махаббатын ешқашан ұмытпаймын. Каталония - менің жер бетіндегі орным.
Осы жолда кездескен барлық адамдарға осы тамаша төрт жыл үшін алғыс айтамын. Карьерамдағы ең ерекше тарауды бастауға мүмкіндік берген президент Лапортаға ерекше рақмет.
«Барселона» өзіне тиісті деңгейге қайта оралды», — деп жазды шабуылшы.
Левандовски 2022 жылдан бері каталондық клубта өнер көрсетіп келеді. Төрт маусым ішінде ол 7 трофей жеңіп алды: Испания чемпионы атанған үш маусым, үш рет Испания Суперкубогын және бір рет Испания Кубогын иеленді.
«Барселона футбол клубы» сапында 191 матч өткізіп, 119 гол соғып, 24 нәтижелі пас берген.
Біздің серіктес: Olimpbet қосымшасын пайдалан
