«Ордабасы» соңғы минутта жеңісті жұлып алды

Шымкенттік «Ордабасы» өз алаңында Талдықорғанның «Жетісу» командасымен Қазақстан Премьер-Лигасының оныншы тур матчында кездесті, деп хабарлайды Sport12.kz.

Қонақтар матч бойы басымдыққа ие болғанымен, айқын гол соғатын сәттер аз болды. Бірінші таймда есепті «Жетісу» ашты: Дінмұхаммед Кәшкен айып алаңы ішінен дәл соққы жасап, Бекхан Шайзада қорғаған қақпадан саңылау тапты. Екінші таймда шымкенттік команданың капитаны Сергей Малый жақын қашықтықтан гол соғып, есепті теңестірді. Ал 98-минутта Муроджон Халматов пенальтиді сәтті орындап, алаң иелеріне жеңіс сыйлады — 2:1.

«Ордабасы» — «Жетісу» 2:1 (0:1)

Голдар: Кәшкен 37 (0:1), Малый 71 (1:1), Халматов (пенальти) 90+8 (2:1).

Осы нәтижеден кейін «Ордабасының» еншісінде 22 ұпай бар және ол көш бастаған алматылық «Қайраттан» үш ұпайға қалып отыр. «Жетісу» 12 ұпаймен турнир кестесінің орта тұсында орналасқан.

Біздің серіктес: Olimpbet қосымшасын пайдалан