10 сағат бұрын
Криштиану Роналду «Үздік ойыншы» атануы мүмкін
Қанат Байұзақов
Сауд Арабиясының Про-лигасы 2025/26 маусымының үздік ойыншысына берілетін жүлде номинанттарының тізімін жариялады, деп хабарлайды Sport12.kz.
Марапатқа «Әл-Насрдың» 41 жастағы шабуылшысы Криштиану Роналду үміткер. Оған Жоау Феликс («Әл-Наср»), Рубен Невеш («Әл-Хиляль»), Айван Тони («Әл-Ахли») және Хулиан Киньонес («Әл-Кадисия») бәсекелес болады.
Осы маусымда Роналду Про-лиганың 29 матчында 26 гол соғып, 3 нәтижелі пас берген. Ол осы көрсеткішпен Сауд Арабиясының чемпионатында үшінші орында тұр.
Айта кетейік, Криштиану Роналду 21 мамыр күні Сауд Арабиясы чемпионатының соңғы турында «Әл-Насрмен» бірге топ жаруы әбден мүмкін. Ол үшін клуб қарсыласын жеңуге тиіс.
Біздің серіктес: Olimpbet қосымшасын пайдалан
