7 сағат бұрын
Дастан Сәтпаев «Челси» сапына қашан қосылады?
Фото: «Қайрат» футбол клубы
Қазақстандық футболшы Дастан Сәтпаев Англияның «Челси» командасы сапына 1 шілдеде қосылады, деп хабарлайды Sport12.kz.
Бұл жөнінде спорт журналисі Ербол Қайыров жазды.
- Біздің инсайдтық ақпаратқа сәйкес, Дастан 17 маусым күні «Қызылжарға» қарсы матчта алматылық «Қайратпен» қош айтысады. 1 шілде күні Хаби Алонсо «Челси» құрылымында бар және сатып алынған жас ойыншылармен бірге арнайы оқу-жаттығу жиынын өткізеді, - деп жазылған хабарламада.
Дастан Сәтпаев 2026 жылдың жазында кәмелеттік жасқа толған соң ресми түрде ағылшын командасына қосылады.
Ол уақытқа дейін Дастан Сәтпаев «Қайрат» сапында өнер көрсетеді.
Дастан Алматыда дүниеге келген. 8 жасында «Қайрат» Академиясына түсіп, дайындықтың барлық сатысынан өтті.
Айта кетейік, 2024 жылдың мамыр айында Сәтбаев «Қайрат» командасында дебют жасаған ең жас ойыншы ретінде тарихқа енді.
Біздің серіктес: Olimpbet қосымшасын пайдалан
