Қазақстанның жастар құрамасы Беларусьпен өтетін матчтарға құрамын жариялады

Қазақстанның 21 жасқа дейінгі жастар құрамасы маусым айында Беларусь құрамасына қарсы екі халықаралық жолдастық матч өткізеді.

Ойындар Беларусь аумағында өтеді. Бірінші кездесу 5 маусым күні Барановичи қаласында жергілікті уақытпен 19:00-де басталады. Екінші матч 8 маусымда Минск қаласындағы «Трактор» стадионында өтеді, басталуы — 20:00.

Қазақстан жастар құрамасы 30 мамыр күні Талғар қаласында оқу-жаттығу жиынын бастайды.

Команда сапына 25 футболшы шақырылды:

Қақпашылар: Дулат Тәліспаев («Кеге», Дания), Шерхан Қалмырза («Қайрат»), Мирас Рихард («Ертіс»)

Қорғаушылар: Сұлтан Аскаров («Қайсар»), Әли Тұрғанов («Ордабасы»), Әмірбек Базарбаев, Данияр Ташпұлатов (екеуі де — «Қайрат»), Санжар Ануаров («Астана»), Сергей Иванов («Алтай»), Сағи Малиқайдар («Ұлытау»), Рамазан Каримов («Ертіс»)

Жартылай қорғаушылар: Мирас Оматай, Тамерлан Әгіманов, Нұрдәулет Байбосынов (үшеуі де — «Ертіс»), Шыңғыс Дүйсенбек, Мұхамедәлі Әбіш, Олжас Байбек, Азамат Тұяқбаев (бәрі — «Қайрат»), Димаш Серікұлы («Қайсар»), Сейф Попов («Алтай»), Жансұлтан Мұхаметханов («Оқжетпес»)

Шабуылшылар: Рамазан Бағдат («Қайрат»), Ян Труфанов («Атырау»), Артем Литош («Шахтер»), Мансур Бірқұрманов («Жетісу»)

Бапкерлер штабы: Владимир Чебурин (бас бапкер), Дмитрий Карпов (көмекші бапкер), Сергей Лабодовский (көмекші бапкер), Валерий Ситало (қақпашылар бапкері), Рустам Усманов (физикалық дайындық бапкері), Біржан Хабит (талдаушы).

Біздің серіктес: Olimpbet қосымшасын пайдалан