8 сағат бұрын
Иран құрамасы әлем чемпионатында ойын көрсетеді
Фото: football.by
Иран құрамасы АҚШ-тағы 2026 жылғы әлем чемпионатында ойын көрсетеді, деп хабарлайды Sport12.kz.
Халықаралық футбол федерациясы (FIFA) Иран тарапына спортшылардың барлық құқығының сақталуына кепілдік берді. Бұл туралы баспасөз мәслихатында Ислам Республикасының Сыртқы істер министрінің өкілі Эсмаил Багай мәлімдеді.
Футболдан Иран ұлттық құрамасының әлем чемпионатына қатысуы туралы шешім Спорт және жастар министрлігі мен футбол федерациясының бағалауы негізінде қабылданды. Екі күн бұрын Түркияда футбол федерациясының өкілдері мен FIFA-ның басшылары арасында жақсы кездесу өтті. Бізге олар турнир иелері ФИФА ережесін сақтауын қамтамасыз ету үшін бар күшін салатынына кепілдік берді, - деді ол.
17 мамырда FIFA бас хатшысы Маттиас Графстрем Түркияда Иран футбол ұйымы мен федерациясы өкілдерінің кездесуі нәтижелі өтті деп мәлімдеді. Оның нәтижесі бойынша Иран 2026 жылғы әлем чемпионатына қатысады деп күтілуде.
Еске салсақ, Швейцария құрамасы 2026 жылғы әлем чемпионатына баратын ойыншыларын жариялады.
Біздің серіктес: Olimpbet қосымшасын пайдалан
