8 сағат бұрын
Килиан Мбаппе екінші маусым Ла Лиганың сұрмергені атанды
Фото: mk.ru
«Реал Мадрид» шабуылшысы Килиан Мбаппе Ла Лиганың 2025/26 жылғы маусымының үздік сұрмергені атанды, деп хабарлайды Sport12.kz.
Ла лиганың 38-турында корольдік клубтың өз алаңындағы «Атлетикпен» (4:2) кездесуінде ол кезекті голын соқты. Біріншілік барысында француз шабуылшысы 31 кездесуде 25 мәрте мергендік танытты.
Екінші орынды 23 голмен «Мальорка» шабуылшысы Ведат Мурики иеленді. Үздік үштікті 17 голмен «Осасуна» сапынан Анте Будимир түйіндеді.
Мбаппе екінші жыл қатарынан Испания чемпионатының үздік бомбардирі атағын алды. Мұндай жетістікке бұған дейін «Барселонаның» аргентиналық бұрынғы шабуылшысы Лионель Месси қол жеткізген еді. Ол 2016/17 жылғы маусымынан бастап бес жыл ішінде қалған әріптестерінен көп гол соқты. «Реал Мадрид» сапында ол алғашқы 2024/25 жылғы дебюттік маусымында 34 ойында 31 голмен ерекшеленді.
Біздің серіктес: Olimpbet қосымшасын пайдалан
