Әлемдегі ең бай спортшылардың тізімі көпшілікті таңғалдырды

Forbes жариялаған 2026 жылғы ең жоғары табыс табатын 50 спортшы рейтингінде бірде-бір әйел спортшының болмағаны белгілі болды, деп хабарлайды Sport12.kz

Басылымның мәліметінше, ең жоғары жалақы алатын спортшылар мен спортшы әйелдер арасындағы табыс айырмашылығы әлі де айтарлықтай үлкен.

Үшінші жыл қатарынан әлемдегі ең көп табыс табатын 50 спортшы тізіміне бірде-бір әйел енбеген. Рейтингтегі ең төменгі табыс шегін ерлер теннисінің бірінші ракеткасы Янник Синнер белгіледі. Оның соңғы 12 айдағы табысы 54,6 млн долларды құраған.

Салыстырмалы түрде алғанда, әйелдер арасында ең жоғары табыс тапқан спортшылар рейтингін соңғы рет Коко Гауфф 2025 жылы басқарған. Оның табысы шамамен 33 млн доллар болған: 8 млн — жүлде қоры, ал 25 млн — демеушілік келісімдер мен қосымша жобалардан түскен кіріс.

Тізімге енген соңғы әйел спортшы 2023 жылы Серена Уильямс болған. Оның 45,3 млн доллар табысының басым бөлігі брендтермен келісімдерден құралған, себебі ол сол кезде кәсіби мансабын аяқтаған еді.

2012 жылдан бері топ-50 рейтингке небәрі үш әйел ғана енген: Мария Шарапова, Ли На және Наоми Осака. Олардың ішінде 2021 жылы Наоми Осака 60 млн доллар табыспен рекорд орнатқан.

Италия чемпионатының соңғы турында сенсациялық жеңіліске ұшыраған клубқа қатысты шешім шықты

Біздің серіктес: Olimpbet қосымшасын пайдалан