2 сағат бұрын
Жарақаттан көз ашпаған Бактиер Зайнутдиновтың құны қаншалықты өзгерді?
Қанат Байұзақов
Transfermarkt порталы Ресей Премьер-лигасындағы жаңартудан кейін Қазақстан құрамасы мен мәскеулік «Динамо Мәскеу» клубының жартылай қорғаушысы Бактиер Зайнутдиновтың трансферлік бағасын өзгеріссіз қалдырды, деп хабарлайды Sport12.kz.
Күрделі маусым мен бірқатар жарақаттарға қарамастан, Зайнутдиновтың нарықтық құны бұрынғыдай 2,5 миллион еуро болып қалды. Бұл көрсеткіш желтоқсандағы жаңартумен бірдей.
Футболшының ең жоғары трансферлік бағасы 2023 жылы түркиялық «Бешикташ» сапында өнер көрсеткен кезде тіркеліп, 6,5 миллион еуроны құраған. Бұл — қазіргі таңда қазақстандық футбол тарихындағы рекордтық көрсеткіш.
2025/2026 жылғы Ресей Премьер-лигасы маусымында Бактиер Зайнутдинов мәскеулік «Динамо Мәскеу» құрамында 8 матч өткізіп, нәтижелі әрекеттерімен көзге түскен жоқ. Ол 2025 жылдың қазан айының ортасында алған ауыр бұлшықет жарақатына байланысты чемпионаттың басым бөлігін өткізіп алды.
Біздің серіктес: Olimpbet қосымшасын пайдалан
