Луис Энрике «ПСЖ» тарихындағы ең титулды бапкер атанды

Францияның «ПСЖ» клубының бас бапкері Луис Энрике Чемпиондар лигасының финалында «Арсеналды» жеңгеннен кейін клуб тарихындағы ең табысты жаттықтырушы атанды.

Финал 1:1 есебімен аяқталып, пенальти сериясында париждіктер 4:3 есебімен жеңіске жетті. Осы нәтижеден кейін испан маманының «ПСЖ»-дағы жүлделер саны 12-ге жетті.

Осы көрсеткіш бойынша екінші орында Лоран Блан (11 трофей), ал үздік үштікті Унаи Эмери (7 трофей) түйіндейді.

Луис Энрике 2023 жылдан бері «ПСЖ»-ды жаттықтырып келеді. Осы уақыт ішінде клуб Франция чемпионатын үш рет, екі Кубокты, үш Суперкубокты, сондай-ақ екі рет Чемпиондар лигасын, УЕФА Суперкубогын және Құрлықаралық кубокты жеңіп алды.

Айта кетейік, «ПСЖ» соңғы екі маусымда қатарынан Чемпиондар лигасын жеңіп алып отыр.

Біздің серіктес: Sport12kz