«Ордабасы» кипрлік қорғаушыға ұсыныс жасады

Шымкенттік «Ордабасы» Кипрдің жас қорғаушысы Иродотос Христодулуға ресми ұсыныс жолдады, деп хабарлайды AmanVIBE.

24 жастағы футболшыға Қазақстанда мансабын жалғастыру мүмкіндігі берілгенімен, ол әзірге шешім қабылдауға асығар емес. Ойыншының басты мақсаты – Кипр чемпионатындағы үздік клубтардан ұсыныс күту.

Өткен маусымда Христодулу «Красава» клубында өнер көрсетіп, 28 матчта 4 гол соққан. Қазіргі уақытта ол еркін агент мәртебесінде.

Ақпаратқа сәйкес, «Ордабасы» тарапынан қызығушылық бар болғанымен, трансфердің тез жүзеге асуы екіталай. Футболшы өзіне тиімді нұсқаларды күтуді жөн көруде.

Айта кетейік, «Ордабасы» қазіргі таңда Қазақстан Премьер-лигасында көш бастап тұр.

Біздің серіктес: Olimpbet қосымшасын пайдалан