Freedom QJ League MVP Awards сыйлығында бірнеше жүлдеге ие болды

Freedom QJ League халықаралық MVP Awards сыйлығының оныншы маусымында бірнеше аталым бойынша жүлдегер атанды.

Лига «Үздік мерч» аталымында бірінші орынға ие болды. Бұл марапат QJL All Star 2025 аясында өткен дизайнерлер байқауына берілді. Байқау жеңімпазы Жұрсын Әуезханның жұмысы мадридтік «Атлетикоға» қарсы матчқа арналған шектеулі топтамадағы мерчтің негізіне айналды.

Сондай-ақ Freedom QJ League «Жас аудиториямен жұмыс істеудегі үздік жоба» аталымында екінші орын алды.

Бұдан бөлек, лига «Инновациялық технологияларды тиімді қолдану» номинациясын да екінші орын иеленді.

Ал QOFA Kazakhstan ұйымымен бірлесіп өткізілген ALGA! x Phygital Kids Fest қайырымдылық фестивалі «Бюджеті 1 миллион рубльге дейінгі үздік әлеуметтік жоба» аталымында екінші орынға лайық деп танылды.

Бұл нәтижелер Freedom QJ League жобаларының жастармен жұмыс, әлеуметтік бастамалар мен заманауи технологияларды енгізу бағыттарында жоғары бағаланғанын көрсетті.

Біздің серіктес: Olimpbet қосымшасын пайдалан