«Қайсар» ресейлік қорғаушысымен қош айтысады

Қызылорданың «Қайсар» клубы ресейлік қорғаушы Амир Мохаммадпен келісімшартты мерзімінен бұрын бұзуға келісті, деп хабарлайды AmanVIBE.

Мәліметке сәйкес, тараптар өзара келісімге келіп, футболшы жақын арада еркін агент мәртебесін алады.

30 жастағы қорғаушы биылғы маусымда «Қайсар» сапында Қазақстан Премьер-Лигасында жеті матч өткізді. Алайда денсаулығына байланысты мәселелер оның толыққанды ойын көрсетуіне кедергі келтірген.

Амир Мохаммад Қызылорда клубына осы жылдың ақпан айында Ресейдің «Балтика» командасынан ауысқан болатын. Сондай-ақ ол Қазақстан Кубогында бір матчқа қатысқан.

Біздің серіктес: Olimpbet қосымшасын пайдалан