«Оқжетпес» тәжірибелі өзбекстандық футболшымен күшейді

Көкшетаудың «Оқжетпес» клубы өзбекстандық жартылай қорғаушы Шохбоз Умаровпен келісімшартқа қол қойғанын ресми түрде жариялады.

27 жастағы футболшы бұған дейін Өзбекстанның АГМК, Беларусьтің «Энергетик-БГУ» және БАТЭ клубтарында өнер көрсеткен. Сондай-ақ Қазақстанда «Ордабасы», «Тұран» және «Тобыл» командаларының намысын қорғаған.

Умаров Қазақстандағы мансабында ел чемпионы атанып, екі рет Қазақстан Кубогын жеңіп алған. Қазақстан Премьер-лигасында ол 67 матч өткізіп, 6 гол соғып, 8 нәтижелі пас берген.

Қазіргі уақытта «Оқжетпес» 12 турдан кейін 23 ұпаймен Қазақстан чемпионатының турнир кестесінде үшінші орында келеді.

Біздің серіктес: Olimpbet қосымшасын пайдалан