2 сағат бұрын
Қазақстан U-19 құрамасының Еуропа чемпионатындағы қарсыласы анықталды
Фото: ҚФФ
Швейцарияның Ньон қаласында 19 жасқа дейінгі жасөспірімдер арасындағы 2026/27 жылғы Еуропа чемпионаты екінші іріктеу кезеңінің жеребе тарту рәсімі өтті, деп хабарлайды Sport12.kz.
Жеребе қорытындысы бойынша Қазақстан U-19 құрамасы А Лигасының екінші тобына түсті. Іріктеу кезеңінде біздің команда Бельгия, Шотландия және Косово жасөспірімдер құрамаларымен кездеседі.
Турнир матчтары 11-17 қараша аралығында Шотландияда өтеді.
А Лигасының екінші кезеңінде өз топтарында алғашқы үш орынды иеленген командалар іріктеу турнирінің үшінші кезеңіне жолдама алады, бұл бәсеке 2027 жылдың көктемінде ұйымдастырылады. Оларға В Лигасы топтарының жеңімпаздары қосылады.
Үшінші кезеңде 28 құрама төрт командадан жеті топқа бөлінеді. Топ жарған жеті ұжым алдағы доданың қожайыны – Чехияға қосылып, финалдық кезеңде бақ сынайды.
Біздің серіктес: Olimpbet қосымшасын пайдалан
