Өзбекстан Колумбияға 3:1 есебімен есе жіберді

2026 жылғы футболдан әлем чемпионатының топтық кезеңіндегі кездесулер жалғасуда. К тобында Өзбекстан мен Колумия құрамалары өзара мықтыны анықтауда.

Ойын басталған сәттен-ақ екі команда да жоғары қарқын көрсетіп, шабуылға жиі шықты. Дегенмен, әзірге тараптар қарсыласының қорғанысынан саңылау таба алмай, есеп ашылған жоқ.

Бірінші таймның ортасына қарай Өзбекстан құрамасының көшбасшысы Абдукодир Хусанов ереже бұзғаны үшін төрешіден сары қағаз алды.

Ал матчтың 41-минутында Муньос өзбекстанның шабуыл шебін бұзып өтіп, есеп ашты.

Екінші таймда матч тізгінін Өзбекстан құрамасы қолға алды.

Нәтижесінде 61-минутта Файзуллаев мергендік танытып, таразы басын теңестірді. Нәтижесінде ол Өзбекстан тарихында әлем чемпионатында гол соққан алғашқы футболшы атанды. Дегенмен 64-минутта Колумбия сапынан Луиз Диас құрамасын қайта алға шығарды.

Ал матчтың қосымша минутында Колумбия үшінші голын соғып, есепті еселей түсті.

Осылайша Өзбекстан 3:1 есебімен Колумбияға есе жіберді. Ал Колумбия К тобында көшбастады.

Біздің серіктес: Olimpbet қосымшасын пайдалан