Астанада УЕФА B-Fitness License курсының екінші модулі өтуде

2026 жылғы 23-25 маусым аралығында Астанада УЕФА B-Fitness License мамандандырылған курсының екінші модулі өтуде, деп хабарлайды Sport12.kz.

Бағдарлама футболшылардың физикалық дайындығы саласындағы бапкерлердің біліктілігін арттыруға бағытталған.

Бұл курс жаттықтырушылар білімі жүйесін дамыту және физикалық дайындық жөніндегі мамандарды УЕФА стандарттарына сай даярлау аясында Қазақстан футбол федерациясы тарапынан жүзеге асырылуда. Оқу үдерісін ҚФФ нұсқаушылары Рустам Усманов, Александр Кучма және Евгений Антонов жүргізеді. Сондай-ақ екінші модульге УЕФА-ның физикалық дайындық жөніндегі нұсқаушысы Дэйв Кэролан қатысып жатыр, ол сараптамалық қолдау көрсетіп, футболшылардың физикалық дайындығына арналған заманауи тәсілдер саласындағы халықаралық тәжірибесімен бөлісуде.

Модуль аясында тыңдаушылар ойыншылардың физикалық қасиеттерін дамытуды, жаттығу үдерісін талдау мен жоспарлау үшін тестілеу мәліметтерін қолдануды, сондай-ақ жүктемелерді жекешелендіруді меңгеруді жалғастыруда.

Екінші модульдің негізгі бағыттары төзімділікті дамытуды және ойыншылардың ілгерілеуін бақылауды, футболшылардың физикалық қасиеттерін тестілеуді, нәтижелерді талдауды, MAS, MSS, RSA және RSI көрсеткіштерін қолдануды, HIIT жоғары қарқынды интервалды жаттығуларын пайдалануды, сондай-ақ олардың физикалық дайындығын сақтау үшін қосалқы құрамдағы және аз ойнайтын ойыншылармен жұмыс істеуді қамтиды.

Бағдарлама теориялық сабақтарды, топтық тапсырмаларды және футбол алаңындағы практикалық сессияларды қамтиды. Мұндай формат тыңдаушыларға физикалық дайындыққа бағытталған заманауи тәсілдерді футбол ортасы жағдайында қолдануға мүмкіндік береді.

УЕФА B-Fitness License курсын іске асыру – Қазақстан футбол федерациясының ұлттық бапкерлік білім беру жүйесін дамыту және мамандардың біліктілігін арттыру бағытындағы жұмысының бір бөлігі болып табылады.

Еске салсақ, бұдан бұрын «Ордабасы» Юрий Вакулкоға қатысты шешім қабылдады.

Біздің серіктес: Olimpbet қосымшасын пайдалан