5 күн бұрын
Әлем чемпионатында Жапония Бразилияны қапы қалдыра ала ма?
Фото: Fifa.com
Футболдан 2026 жылғы әлем чемпионаты плей-офф кезеңіндегі Бразилия - Жапония кездесуінде алғашқы гол соғылды, деп хабарлайды Sport12.kz.
Бұл голды жапониялық Каисю Сано 29-минутта өзінің еншісіне жазды. Нәтижесінде қазір олар 1:0 есебімен алда тұр.
С тобында сынға түскен Оңтүстік Америка құрлығының өкілдері өз тобында 7 ұпаймен бірінші орын алды. Алдымен Мароккомен 1:1 есебімен тең ойнап, одан қатарынан екі ойында Шотландия мен Гаитиді 3:0 есебімен тізе бүктірді.
Ал Жапония F тобында Нидерландпен 2:2, Швециямен 1:1 есебімен тең ойнап, Тунисті 4:0 есебімен тізе бүктірді. Нәтижесінде 5 ұпай жинап, өз тобында екінші орынға табан тіреді.
Екі құрама қазірге дейін он мәрте кездесті. Оның сегізінде бразилиялық футболшылар жеңіске жетсе, қалғанында тең нәтиже тіркелді.
Еске салсақ, футболдан 2026 жылғы әлем чемпионаты топтық кезеңдегі ойындарын 4 644 549 адам тамашалады
Біздің серіктес: Olimpbet қосымшасын пайдалан
