«Астана» Башичті қайта сапқа қосады

«Астана» клубының жартылай қорғаушысы Иван Башич 2026 жылғы әлем чемпионатындағы өнерінен кейін жақын күндері елорда командасының қатарына қайта қосылады, деп хабарлайды AmanVIBE.

Мәліметке сәйкес, 24 жастағы футболшы Қазақстан Премьер-лигасының екінші кезеңіне дайындықты бастайды. Сонымен қатар, клуб басшылығы Башичке қатысты трансферлік ұсыныстарды қарастыруы мүмкін. Алайда «Астана» негізгі ойыншыларының бірін тек тиімді ұсыныс түскен жағдайда ғана сатуға дайын.

Айта кетейік, Башич – 2026 жылғы әлем чемпионатына қатысқан ҚПЛ-дің жалғыз ойыншысы. Босния және Герцеговина құрамасымен бірге ол 1/16 финалға дейін жетіп, бұл кезеңде АҚШ құрамасына 0:2 есебімен есе жіберді.

Әлем біріншілігінде Башич үш матч өткізіп, оның екеуін негізгі құрамда бастады. Сондай-ақ Қатарға қарсы кездесуде нәтижелі пас авторы атанды.

Біздің серіктес: Olimpbet қосымшасын пайдалан