Аршавин Кейннің «Алтын доп» алу мүмкіндігін бағалады

«Қайраттың» бұрынғы ойыншысы Андрей Аршавин «Бавария» мен Англия құрамасының шабуылшысы Харри Кейннің «Алтын допты» жеңіп алу мүмкіндігі туралы пікір білдірді.

Аршавиннің айтуынша, Англия құрамасы әлем чемпионатында жоғары нәтижеге қол жеткізуге қауқарлы. Ол команданың жұлдызды ойыншыларға бай екенін атап өтті.

Сондай-ақ маман Харри Кейннің жеке мүмкіндігіне де тоқталды.

«Кейннің «Алтын допты» жеңіп алу мүмкіндігі жоғары. Барлығы әлем чемпионы кім болатынына байланысты. Егер Франция жеңсе, бұл марапатты олардың құрамындағы ойыншы алады», – деді Аршавин.

Айта кетейік, Англия құрамасы 2026 жылғы әлем чемпионатының 1/16 финалында ДР Конгоны 2:1 есебімен жеңіп, екі голды да Харри Кейн соқты. Енді ағылшындар 1/8 финалда Мексика құрамасымен кездеседі.

Біздің серіктес: Olimpbet қосымшасын пайдалан