ҚФФ Ұлттық құрама бас бапкеріне қойылатын талаптарды бекітті

ҚФФ Техникалық даму комитеті отырысының күн тәртібінде Қазақстан ұлттық құрамасының бас бапкеріне қойылатын талаптар қаралып, бекітілді.

Бекітілген профиль ұлттық құраманың бас бапкері қызметіне үміткерлерді қарастыру кезінде ескеруге ұсынылатын негізгі кәсіби және ұйымдастырушылық талаптарды айқындайды.

Үміткерге қойылатын басты талаптар:

Прессинг жағдайындағы жұмыс тәжірибесі: қысқа мерзімді оқу-жаттығу жиындары, жауапкершілік пен ресми маңызды матчтар кезінде тиімді жұмыс істей білу.

Тактикалық икемділік: ойын үлгісі мен матч жоспарын қарсыласқа, ойынға, құрамдағы өзгерістерге және кездесудің өту барысына қарай жедел бейімдей алу.

Көшбасшылық және коммуникация: талапшыл, бірақ құрметке негізделген басқару стилі, қиын жағдайларда сабыр сақтай білу және команда мүддесін медиа кеңістікте тиімді қорғай алу.

Көпсалалы бапкерлер штабы: талдаушыларды, дене даярлығы жаттықтырушыларды және қақпашылар бапкерін қамтитын мамандар тобын қалыптастыра білу.

Бұл құжат ҚФФ басшылығына жолданып, түпкілікті шешім қабылдау үшін Атқарушы комитет қарауына ұсынылады.

Біздің серіктес: Olimpbet қосымшасын пайдалан