2 сағат бұрын
Дамьян Краишник «Қызылжар» сапынан кетті
Фото: «Қызылжар» футбол клубы
Петропавлдық «Қызылжар» Дамьян Краишникпен келісімшарт екі тараптың өзара келісімі бойынша тоқтатылғанын мәлімдеді, деп хабарлайды Sport12.kz.
Сербиялық жартылай қорғаушы команда құрамына биыл қосылған еді. Оған «1+1» жүйесімен келісімшарт жүйесі ұсынылды. Дегенмен ол жарты жылдан кейін командадан кетті.
- Дамьянға алаңдағы жанқиярлық ойыны мен жоғары кәсібилігі үшін алғыс айтамыз, - деп жазылған хабарламада.
Дамьян Краишник петропавлдық клуб сапында барлық турнирде 18 ойында жасыл алаңға шықты.
Еске салсақ, бұдан бұрын «Қызылжар» болгариялық Пламен Галабовпен келісімшарт екі тараптың өзара келісімі бойынша тоқтатылғанын мәлімдеді.
Біздің серіктес: Olimpbet қосымшасын пайдалан
