«Астананың» үшінші айналымдағы қарсыласыы анықталды

24 шілде Ньон қаласында (Швейцария) УЕФА Чемпиондар лигасы үшінші іріктеу кезеңінің жеребе тарту рәсімі өтті.

Биыл Чемпиондар лигасында Қазақстан атынан «Астана» бақ сынап жатыр. Екінші турда елордалық «Астана» Загребтің «Динамосымен» кездеседі. 

«Астана» — «Динамо» жұбының жеңімпазы үшінші айналымда АЕК (Греция) командасымен ойнайды.  «Динамоға» қарсы алғашқы ойын шілденің 25-інен 26-сына қараған түні Загребте (Хорватия) өтеді. Қарымта ойын 2 тамызда Астанада өтеді.

Айта кетейік, бірінші іріктеу кезеңінде «Астана» Грузияның «Динамосын» (Тбилиси) 3:2 (1:1, 2:1) жеңді. 

Біздің серіктес: Olimpbet қосымшасын пайдалан