«Астана» бапкері Григорий Бабаян сұхбат берді

«Астана» бапкері Григорий Бабаян УЕФА Чемпиондар лигасының екінші іріктеу кезеңі аясында Загребтегі «Динамомен» кездесу қарсаңында тілшілердің сауалына жауап берді.

– «Атыраумен» матчта қорғаушы Вараздат Ароян жарақат алды. Қазіргі жағдайы қандай?

– Иә, шынымен жарақат алды. Бүгін МРТ түсірді. Енді нәтижесін күтіп отырмыз. Былай жарақаты ауыр емес. Алдағы 5-7 күнде қатарға қосылып қалуы тиіс. 

– Марин Томасов Чемпиондар лигасының топтық кезеңіне шығу керек деген тапсырма жоқтығын айтты. «Динамо» секілді мықты қарсыласпен ойнар алдында осындай пікір білдіру қаншалықты дұрыс?

– Меніңше, аударма дұрыс болмаған секілді. Алғашында сұрақ басқаша қойылған. Клубтың мақсаты туралы сұралған. Біз қазір Чемпиондар лигасында ойнап жатырмыз. Сондықтан топтық кезеңге шығуға деген үмітімізді әзірге әлі ешкім үзген жоқ. 

– Тбилисидегі «Динамо» және елордадағы «Атыраумен» ойыннан кейін команданың жағдайы қандай? Ертеңгі матчқа дайынсыздар ма?

–Хорватияға ұшу кезінде мәселелер болды. Біз мұнда 5-6 сағатта жетуіміз тиіс еді. Алайда техникалық тоқтаулар болып, 10 сағат ұшып келдік. Сөйтіп, кешегі күнді қайта қалыпқа келуге арнадық. Енді алда бір жаттығу істейміз. Ойыншылар ертеңгі матчқа дайын болуы тиіс.

– «Астана» бұған дейін 2018 жылы «Динамомен» кездескен. Бірақ одан бері көп нәрсе өзгерді ғой…

– Қарсыластың шамы шарқын жақсы білеміз. Олар жыл сайын топтық кезеңге шығып жүр. Қарсылас қарымды. Бұл жұпта «Динамо» Загреб – фаворит. Енді ертең оларға барынша қарсылық білдіруге тырысамыз. 2018 жылғы құрамды салыстырудың мәні жоқ. Ол құрамнан тек ойыншы қалды. 

Біздің серіктес: Olimpbet қосымшасын пайдалан