Роналду Еуро-2028-ге дейін құрамадан кетпейді

Санкт-Петербургтің «Зенит» клубының бұрынғы футболшысы Владислав Радимов Португалия құрамасының шабуылшысы Криштиану Роналду ұлттық команда сапында Еуро-2028 турниріне дейін өнер көрсетуді жоспарлап отырғанын айтты.

Радимовтың айтуынша, бұл туралы ол Португалия құрамасындағы ойыншылармен тығыз байланысы бар Франция құрамасының бұрынғы шабуылшысы Давид Трезегеден естіген.

«Қазір бәрі Криштиану Роналдуның мансабы аяқталды деп айтып жүр. Біз жақында Давид Трезегемен кездестік. Ол Португалия құрамасындағы көптеген футболшыларды жақсы таниды. Оның айтуынша, ұлттық құрама ойыншылары Роналдудың Еуро-2028-де де ойнайтынын айтып жүр», – деді Радимов.

Айта кетейік, 2026 жылғы әлем чемпионатында 41 жастағы Роналду бес матчқа қатысып, үш гол соқты. Португалия құрамасы турнирдің 1/8 финалында Испаниядан 0:1 есебімен жеңіліп, жарысты аяқтады.

Біздің серіктес: Sport12kz