«Жеңіс» өз алаңыңда жеңілістен аман қалды

Қазақстан Премьер-лигасының 18-туры аясында елордалық «Жеңіс» пен Жезқазғанның «Ұлытауы» өзара кездесті, деп хабарлайды Sport12.kz.

Матчтың алғашқы таймында екі команда да шабуылда аса белсенділік таныта алмай, үзіліске голсыз тең есеппен шықты.

Екінші таймда ойын сипаты көп өзгерген жоқ. Дегенмен алаң иелерінің қорғаныстағы қателігін тиімді пайдаланған Бақдәулет Зүлфиқаров 65-минутта есеп ашты. Алайда матчтың аяқталуына төрт минут қалғанда Мәди Хасейн таразы басын теңестіріп, «Жеңісті» жеңілістен құтқарды.

Қазақстан Премьер-лигасы, 18-тур

«Жеңіс» – «Ұлытау» – 1:1 (0:0)

Голдар: Бақдәулет Зүлфиқаров, 65 минут (0:1), Мәди Хасейн, 86 минут (1:1).

Осы тең нәтижеден кейін «Ұлытау» 27 ұпаймен турнирлік кестеде 5-орынға көтерілді. Ал «Жеңіс» 22 ұпаймен 8-орында қалды.

Біздің серіктес: Olimpbet қосымшасын пайдалан