Месси ӘЧ-ның финалынан кейін мәлімдеме жасады

Аргентина құрамасының көшбасшысы Лионель Месси 2026 жылғы футболдан әлем чемпионатының финалында Испаниядан жеңілгеннен кейін өз ойын айтты.

«Көңіліміз түсіп тұр, бірақ біз алаңда бар күшімізді салдық. Шынын айтсам, бұл матчта Испания бізден мықты болды. Біз жеңілісті мойындаймыз. Дегенмен бұл осы күнге дейінгі жетістіктерімізді жоққа шығармайды. Сондықтан барлық жанкүйерлерімізге, командаластарыма және еліме алғыс айтқым келеді», – деді Месси.

Еске салайық, әлем чемпионатының финалында Аргентина құрамасы Испаниядан 0:1 есебімен жеңілді. Қосымша уақыттың 106-минутында Ферран Торрес жеңіс голын соқты.

Лионель Месси турнир барысында 8 гол соғып, 4 нәтижелі пас берді. Биылғы әлем чемпионаты тарихта алғаш рет 48 құраманың қатысуымен АҚШ, Мексика және Канадада өтті.

Біздің серіктес: Olimpbet қосымшасын пайдалан