«Атырау» тәжірибелі ганалық жартылай қорғаушымен күшейді

«Атырау» футбол клубы ганалық жартылай қорғаушы Эбенезер Офоримен келісімшартқа қол қойғанын ресми түрде жариялады.

31 жастағы футболшымен жасалған келісімнің мерзімі мен өзге де шарттары әзірге жарияланған жоқ.

Офори кәсіби мансабында Швеция, Германия, АҚШ, Дания және Литва чемпионаттарында өнер көрсеткен. Ол АИК, «Штутгарт» және «Нью-Йорк Сити» клубтарының намысын қорғаған. Сондай-ақ Гана ұлттық құрамасы сапында 10 матч өткізіп, бір голдың авторы атанған.

Айта кетейік, «Атырау» Қазақстан Премьер-лигасының 17 турында 18 ұпай жинап, турнирлік кестеде 11-орында тұр. Команданы Владимир Чебурин жаттықтырады.

Біздің серіктес: Olimpbet қосымшасын пайдалан