«Барселона» негізгі ойыншысынан айырылды

Испанияның «Барселона» клубы жартылай қорғаушы Френки де Йонгтің жарақатына қатысты ресми ақпарат жариялады.

Клубтың мәліметінше, нидерландтық футболшының оң тізесіндегі медиалдық жанама байламы жыртылған.

«Футболшы ем қабылдауды жалғастырады және дәрігерлердің тұрақты бақылауында болады. Оның жағдайы келесі апта қорытындысы бойынша қайта бағаланады», – делінген клубтың мәлімдемесінде.

Өткен маусымда Френки де Йонг «Барселона» сапында барлық турнирде 38 матчқа қатысып, 1 гол соғып, 8 нәтижелі пас берді. Сондай-ақ ол 2026 жылғы әлем чемпионатында Нидерланд құрамасы сапында төрт ойын өткізді.

Біздің серіктес: Olimpbet қосымшасын пайдалан