«Қызылжар» «Ақтөбені» ірі есеппен жеңді

Қазақстан Премьер-лигасының 20-туры аясында «Қызылжар» өз алаңында «Ақтөбені» 3:1 есебімен жеңді.

Петропавлда өткен ойында есепті алаң иелерінің капитаны Евгений Макаренко 2-минутта ашты. Алайда «Ақтөбе» ойын тізгінін қолға алып, 38-минутта Яни Атанасов есепті теңестірді.

Екінші таймда қонақтар шабуылды жалғастырғанымен, 61-минутта Темірлан Ерланов алаңнан қуылды. Сан басымдығына ие болған «Қызылжар» 80-минутта пенальти орындау мүмкіндігіне ие болды. Этьен Бугре 11 метрлік айып добын сәтті орындады.

Матчтың соңғы минуттарында Лиридон Латифи есепті 3:1-ге жеткізіп, «Қызылжарға» жеңіс сыйлады.

Осы нәтижеден кейін «Қызылжар» 22 ұпаймен турнир кестесінің орта тұсына жайғасты. Ал «Ақтөбе» 31 ұпаймен төртінші орында қалды.

Біздің серіктес: Sport12kz