Еурокубок: «Қайрат» пен «Тобыл» қашан ойнайды?

Келесі аптада Қазақстанның «Қайрат» және «Тобыл» клубтары еурокубоктардың үшінші іріктеу кезеңіндегі алғашқы ойындарын өткізеді.

«Қайрат» Чемпиондар лигасының үшінші іріктеу кезеңінде Болгарияның «Левски» командасымен кездеседі. Софияда өтетін алғашқы матч 4 тамыз күні сағат 22:30-да (Қазақстан уақытымен) басталады.

Қарымта кездесу 11 тамызда Түркістанда өтеді. Айта кетейік, бұл ойын Алматыдағы Орталық стадионда Канье Уэсттің концерті жоспарланғандықтан Түркістанға ауыстырылған.

Ал «Тобыл» Конференция лигасының үшінші іріктеу кезеңінде Сербияның «Партизанымен» кездеседі. Белградтағы алғашқы матч 6 тамыздан 7 тамызға қараған түні сағат 00:00-де басталады.

Жауапты кездесу 13 тамызда Қостанайда өтеді.

Біздің серіктес: Sport12kz